КАЗАНДА ЭЛЕКТРОСАМОКАТ ПАРКОВКАЛАРЫ СХЕМАСЫННАН 23 АДРЕС АЛЫНДЫ

Парковка урыннары «Урицкий паркы», Кабан күле яр буе, «Комсомолец», «Сосновая роща» һәм Җиңү парклары, шулай ук «Ак чәчәкләр» бульвары янында юкка чыгачак.

Казан башкарма комитеты шәһәрдә электросамокатлар һәм велосипедлар прокаты пунктларын урнаштыруның яңартылган схемасын раслады. Үзгәрешләр нигезендә, парковка урыннары исемлегеннән 23 нокта төшереп калдырылган. Яңа кагыйдәләр казанлылар ял итә торган популяр урыннарга да кагыла. Хәзерге вакытта Казанда электросамокатлар өчен 1420 парковка урыны эшли.