АЙ БДИ, ВАЙ БДИ! СИННӘН НИЛӘР КӨТӘРГӘ?

Татарстан Министрлар Кабинетында 2017 елда Татарстанда Дәүләт йомгаклау аттестациясен уздыру үзенчәлекләренә багышланган Матбугат конференциясендә БДИ га кертеләчәк үзгәрешләр хакында сөйләделәр.



Үзгәрешләр юк түгел икән! Мәсәлән, укучыларга турыдан-туры кагыла торган яңалыклардан ул тагын 3 фәннән – физика, химия, биологиядән тест өлешләре юк ителүе турында ассызыкладылар.

Тагын бер үзгәреш – ул имтихан уздыру процедурасы белән бәйле. Контроль-үлчәм материалларны (КИМ) урында, ягъни имтихан уздыру пунктында бастыру тәҗрибәсе кертелә. Үткән ел бу принципка таянып берничә район сыналган инде. Быел 12 пункт шулай эшләр дип көтелә. Контроль-үлчәм материаллар аудиториядә бастырылачак, шунда ук таратылып, шунда ук скан аша уздырып, базага кертеләчәк.

Мәҗбүри имтиханнар шулай ук үзгәрешсез кала - укучылар математика ( база яки профиль дәрәҗәдә) һәм рус телен тапшырачак.