«АГЫЙДЕЛ» ГӨРЛИ»

II Төбәкара интеллектуаль иҗат «Агыйдел» форумы рәсми рәвештә ачык дип белдерелде!

Татарстан Республикасының Актаныш муниципаль районында урнашкан, палаткалы шәһәрчек тибындагы II Төбәкара интеллектуаль иҗат «Агыйдел» форумы үз эшчәнлеген дәвам итә. 4-нче август көнне, уку-укыту программасы старт алды һәм рәсми ачылыш тантанасы гөрләп үтте.

Һава торышы иртәнге якта яңгырлы булса да, күңелләр күтәренке, кәефләр шәп иде. Көнебез иртәнге зарядкадан башланды. Алар «Сәләт» сөрәннәрен өйрәнү, биюләр белән дәвам итте.

Шулай ук бүген «Агыйдел» форумы беренче кунакларын кабул итте. Актаныш муниципаль районы җитәкчелеге форум тормышы белән танышты, балалар белән аралашты. Район башлыгы Камаев Фаил Мисбах улы балаларны гүзәл табигатьле Актаныш ягында киләсе елларда да көтеп калачакларын белдерде. «Минемчә, әлеге форумның төп үзенчәлеге аның төбәкара булуында. Татар телен төрле дәрәҗәдә белүче һәм төрле мохиттә яшәүче балалар үзара аралаша алуы бик уңай күренеш», - дип ассызыклады ул. Актаныш районы башкарма комитеты рәисе Илнар Энгель улы Фәттахов яшәү шартларының былтыргыдан яхшырганын шунда ук сизеп алды. «Минем, үз чиратымда, Республикабыз җитәкчелегенә олы рәхмәтемне җиткерәсем килә. Татарстан Республикасының фән һәм мәгариф министрлыгы, «Сәләт» Фондыннан башка әлеге форумны булдырып булмас иде. Катнашучыларга исә бары уңышлар, яңадан-яңа үрләр яулауларын һәм максатларыннан читкә тайпылмый атлауларын телим!», - дип теләкләрен ирештерде ул.

Рәсми ачылу тантанасы барышында әләмнәр күтәрелде. Ахырында форумның башкарма директоры Анна Фельдман катнашучыларны уку-укыту программасы белән таныштырды.

Шулай ук бүген Кыргызстаннан булган катнашучыларыбыз да килеп җитте. Әлеге 18 бала һәм аларны Татарстан җирлегенә алып килгән хөрмәтле кешеләр атна дәвамында татар телендә аралашып, татар мөхитендә яшиячәк.

Уку-укыту программасы 1 гомум һәм 1 кече төркемдә эшләүче сессиядән тора иде. Гомумсессия вакытында барлык балалар төп чатырда тренерлар белән якыннанрак таныштылар, күңелле уеннар уйнадылар, кыскаметражлы видеоязмалар карадылар. Ә кече сессиядә төркемнәргә бүленеп, проект эшчәнлеге темасына тренинг үттеләр.

Кичке чарада исә катнашучылар бер-берсенә төркемнәрен тәкъдим иттеләр. Биредә, һәрвакыттагыча, һәрберсе үзен иң оста, иң үзенчәлекле итеп күрсәтергә тырышты.

Иртәгә уку-укыту программасының дәвамы, гомум һәм кече сессияләр, интеллектуаль марафон булуы көтелә.

[gallery columns="2" size="large" ids="2301,2300,2298,2297"]

Нравится
Комментарии (0)
Осталось символов:
Шәп укыла
  • 3 гыйнвар 2020 - 13:07
    ҮГИ ӘНИ Чит авылга килен булып төшкәч, ут күршем дә, киңәшчем, таянычым да Әминә апа булды. Җор күңелле, шатланып, җырлап кына йөри торган апа иде ул. Өч улының өзелеп яраткан әнисе, Ядъкәр абыйның тугрылыклы хатыны иде.
    4955
    2
    79
  • 7 гыйнвар 2020 - 22:36
    ӨЧ ТУГАН − Кызым, йонны алай тарткалама, сузгалама, ярыймы? Менә болай көйләп кенә, аермый гына яз.  Алай өзгәләп бетергәч, ничек  аны җепкә оештырырга, ничек  эрләргә була? Оекбашсыз каласың бит! Нәни куллары белән йон язып утырган Лилия, әнисе күрсәткәнчә эшләргә тырышса да, онытылып китеп уйный башлый.
    4536
    3
    69
  • 13 гыйнвар 2020 - 17:12
    ГОМЕРЛЕ КОЕ “Авылыбызның бер чишмәсе миңа аеруча якын, – дип сөйләп китте, ике ел элек кенә бакча күршебез булып киткән Наилә апа. Дөресрәге, авылдан бераз читтәрәк ул, урман юлы буенда. Ата-бабаларның чишмәне “Гомерле кое” дип атаулары юктан гына булмагандыр – авылыбызның озын гомерле кешеләре байтак. Гадәттә коены – кое диләр, чишмәне – чишмә. Нишләп “Гомерле чишмә” түгел?
    4222
    2
    47

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    485
    0
    0
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019