"5 ФЕВРАЛЬДӘ КАМАЛ ТЕАТРЫНДА КӨТЕЛГӘН ПРЕМЬЕРА – «ДОН ЖУАН» СПЕКТАКЛЕ"

5, 6 һәм 19 февральдә Г.Камал исемендәге Татар дәүләт Академия театрында Ж.-Б.Мольерпьесасы буенча күптән көтелгән премьера - "Дон Жуан" спектакле булаСпектакльнеңрежиссеры Фәрит Бикчәнтәев.

Ж.-Б.Мольерның «Дон Жуан» пьесасы дөнья классикасы репертуарында иң серле әсәрләрнең берсе. Мольер әлеге пьесаны язганда, классицизм кануннарыннан читләшеп, барокко поэтикасына мөрәҗәгать итә. Әсәрне язып сәхнәгә куйганнан соң ул гаҗәеп зур уңыш казана, тик комедияне бер сезон уйнагач Мольер аны репертуардан төшерә һәм башка беркайчан да сәхнәләштерми. Драматург үлгәннән соң пьеса гасыр ярым Том Корнель эшкәртмәсендә уйнала. 1841 елда гына француз театры «Дон Жуан»ның беренче вариантына әйләнеп кайта.

Камал театры төрле елларда Мольер иҗатына 6 мәртәбә мөрәҗәгать итә: “Саран” (1914), “Ирексездән табиб” (1916), “Жорж Данден” (1951) һәм Тартюф (1936, 1978, 2012). «Дон Жуан» пьесасы Камал театры сәхнәсендә беренче мәртәбә уйнала.

Спектакльнең режиссеры Фәрит Бикчәнтәев: “Дон Жуан” пьесасын куярга күптәм теләгем бар иде. Студент вакытта 80нче елларда шушы пьеса буенча эскиз эшләгән идем. 1995 елны спектакльне Камал театрында куймакчы булдым (хәтта артист Хәлим Җәләловтан пьесаны тәрҗемә итүен дә сорадым), тик ничектер бу эшкә алына алмый калдым. Аннары Казан яшь тамашачылар театрының ул вакыттагы баш режиссеры Георгий Цхвирава үз театрларында спектакль куярга тәкъдим итте. Пьеса сайлау үз иркемдә иде, мин «Дон Жуан»га алынырга булдым. Спектакльнең премьерасы 2001 елда булды”.

15 елдан соң Фәрит Бикчәнтәев әлеге спектакльне янәдән куя. «Дон Жуан»ның премьерасы 5, 6 һәм 19 февральдә Г.Камал исемендәге Татар дәүләт Академия театрының Зур сәхнәсендә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2324
    0
    13
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1743
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1369
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019