«КУАНЫЧЫМ» конкурсы дәвам итә. Бүген без Марфуша исемле ташбака белән танышырбыз.

Марфушага ничә яшь?

Минем куанычым – Марфуша исемле ташбакам. Аңа ничә яшь? Бу сорауга төгәл генә җавапны әбием дә, әнием дә белми. 13 яшьләр тирәсе дип кенә җавап бирәләр.

Марфуша – шат күңелле, акыллы ташбака. Ләкин кирелеген күрсәтергә дә бик мөмкин. Иң яраткан шөгыле – ашау. Тузганак сабаклары, алма, кәбестә, төрледән төрле үләннәр – аның яраткан ризыгы.

Дәү әниләрем янәшәсендә яшәүче дустым бар минем. Ә аның Чапа исемле ташбакасы бар. Ул әле бик кечкенә. Шулай беркөнне, дустым белән алдан сөйләшеп, ташбакаларыбызны таныштырырга булдык. Җылы язгы матур көн. Кояш та безгә теләктәшлек белдереп, нурларын мулдан сибә. Минем Марфушам да бик канәгать. Менә ул кызыксынып дөньяны күзәтеп ятучы Чапаны күреп алды. Янына килеп иснәде, «хәзер нишләргә инде» дигәндәй, күтәрелеп миңа карады. Аннан соң, күрмәгәнгә салышып, Чапа яныннан шома гына узып та китте. Ә Чапа, мескенем, үзенә дус тапканга шатланып, аның артыннан иярде. Марфуша артына борылып карады да, «син бала-чага белән нишлим соң мин» дигәндәй, горур гына алга элдертүен белде.

Ә менә беркөнне Марфушам үзенең кирелеген чып-чынлап күрсәтте. Бергә ашату ниятеннән, дустым белән ташбакаларыбыз алдына тузганак сабаклары салдык. Чапа салган үләнне бик теләп ашарга тотынды. Ә Марфуша, горурлыгын җиңә алмыйча, бик теләсә дә, үләнгә якын килмәде. Чапага да бик ризасыз кыяфәт чыгарып карап торды.

Мин аны өйгә алып кердем. Ашарына салдым. Ә ул үз кирелеген итә бирде. Ризыкка якын да килми, тәпиләре белән аяк астында булган әйберләрне кыштырдата, астын-өскә китерә башлады. Менә шунда гына мин аның нидән ризасыз булуын абайлап алдым. Ул мине Чападан көнли ләбаса! Әйе, әйе, хайваннар да кешеләрдән ким түгел икән. Ярата да, көнләшә дә беләләр алар!

Мин Марфушама күлмәкләр, кофталар, башлыклар бәйлим. Аны киендерәм дә, икәүләшеп көзге алдында бөтереләбез. Сизәм, Марфушага да бу бик ошый.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    723
    0
    5
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    625
    0
    3
  • 25 октябрь 2020 - 09:00
    ӘТИЛЕ ЯТИМ Кояшның тәрәз аша чекерәеп карап торган нуры уятты мине. «Озаграк йокланылган икән шул, ял көне булгач, бераз иркәләнеп ятсаң да берни булмас», – дип икенче ягыма борылып яттым. Йоклап китеп булмый, күзем тәрәзәгә төште.
    466
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019