ЯБЫГУ БАСКЫЧЫ: 5 АДЫМНАН ТОРГАН ФОРМУЛА
Ябыгуны баскыч формасында күз алдына китерә аласызмы? Нечкә билле, зифа буйлы булыр өчен, шул баскычтан әкрен адымнар белән генә менәргә кирәк.
Әлеге «Баскыч» техникасында нибары 5 баскыч кына:
1.Чистарту баскычы
2.Торгызу баскычы
3.Энергия баскычы
4.Төзелеш баскычы
5.Яндыру баскычы
Боларның һәркайсы – берәр көн. Узган этапларның һәрберсен билгеләргә, нәтиҗәне язып барырга киңәш ителә. Диета нәтиҗә китерсен өчен, спорт белән шөгыльләнергә онытмаска кирәк.
«Баскыч» диетасының ничек эшләвен аңлау өчен, җентекләп 5 көнлек менюны карап үтик:
Чистарту баскычы организмны шлаклардан һәм токсиннардан чистартуга һәм эчәклекләрдән таркалу продуктларын чыгаруга юнәлтелгән. Көн дәвамында өлешкә бүленгән бер алма гына ашарга, кимендә 2 литр су эчәргә һәм һәр 3 сәгать саен 1-2 активлаштырылган күмер кабул итәргә кирәк.
Торгызу баскычы организм чистартылганнан соң аны торгызырга һәм эчәклек микрофлорасын тулыландырырга мөмкинлек бирәчәк. Азык-төлек кайнату системасының нормаль эшен җайга салу өчен, әче сөт продуктлары туры килә. Бу көнне 1 литр майсыз кефир һәм ярты килограмм майсыз эремчек кулланырга кирәк. Теләсәгез, бу көнне су эчәргә дә була. Ризыкны кабул итү һәр 2-3 сәгать саен һәм аз-азлап кына булырга тиеш.
Энергия баскычы – «иң баллы, иң тәмле» баскыч. Бу көнне менюда 300 грамм йөзем, 2 аш кашыгы бал, кипкән җиләк-җимешләрдән 2 литр компот була.
Төзелеш баскычында иң мөһиме – авырлыкны югалтканда организмны саклау. Шуңа күрә өстәлдә 500 грамм пешкән тавык яисә күркә ите булырга тиеш, һәм, әлбәттә, ике литрдан да ким булмаган күләмдә су куллану мәҗбүри.
Яндыру баскычы – диетаның соңгы һәм иң нәтиҗәле өлеше. Менюга 200 грамм коры солы, 1 кг чи яшелчә һәм җиләк-җимеш керә. Су, чәй һәм кофе эчәргә рөхсәт ителә, шул ук вакытта алма, груша, әфлисун һәм грейпфрут ашарга була.
5 көннән соң диетадан әкрен генә чыгарга кирәк. Бер-ике атна буена майлы, баллы һәм тозлы әйберләр ашамый торырга киңәш ителә.
Следите за самым важным и интересным в Telegram-каналеТатмедиа
Белми калма
-
28 марта 2024 - 17:14
«ЯЛКЫН»НЫҢ ИҢ АКТИВ УКУЧЫЛАРЫ МӘГАРИФ ҺӘМ ФӘН МИНИСТРЫНДА КУНАКТА БУЛДЫ
-
28 марта 2024 - 15:36
«АПУШ» БАЛАЛАР ТЕАТР СТУДИЯСЕ – «ТЕАТРАЛЬ ИДЕЛ БУЕ ФЕСТИВАЛЕ» ҖИҢҮЧЕЛӘРЕ РӘТЕНДӘ!
-
27 марта 2024 - 13:38
ЯШЬ ТАТАРСТАНЛЫЛАРНЫ «ТӨЗҮЧЕДӘН СОРА» БӘЙГЕСЕНДӘ КАТНАШЫРГА ЧЫКЫРАЛАР
-
25 марта 2024 - 15:31
XXVII «ӘДӘБИ МАРАФОН»ГА ГАРИЗАЛАР КАБУЛ ИТҮ БАШЛАНДЫ
Нет комментариев