НИЧЕК АЗРАК АШАП ТА ТУК БУЛЫРГА?

Артык авырлыктан котылыр өчен, кабул ителгән калорияләр тотылачак калорияләрдән әзрәк булырга тиеш. Әмма гадәти үзе ияләшкән ашау күләмен киметүне күпләр авыр кичерә. Ничек ашау күләмен киметеп, тук булырга соң?

1. Каты ризыкларны сайла

Каты ризыклардан кергән калорияләр сыек ризыкныкына караганда башкачарак кабул ителә. Азрак ашарга теләсәң, каты ризыклар сайла, аларның туклыклыгы 30%ка югарырак.

Бу – каты ризыкны озаклап чәйнәргә кирәклеккә бәйле. Ашаган вакытта баш миенә азык кабул ителү турында сигналлар кабул ителә һәм ул тизрәк туена.

2. Су эч

Иртән бер стакан су һәм һәрбер ашауга ярты сәгать кала 1-2 стакан су. Моны кагыйдә итеп мыегыңа чорнап куй. Әлбәттә, һәр кешенең организмы төрле, көнгә – кимендә 2 литр су кагыйдәсе һәр кешегә дә килешеп бетмәскә мөмкин, әмма көн дәвамында аз-азлап булса да су эчеп тору һәркем өчен мөһим.

3. Тәмләткечләр куллан

Күпчелек тәмләткечләр аппетитны киметү сәләтенә ия. Шулар арасында борыч һәм зәнҗәбил (имбирь) иң яхшысы. Чәйгә аз гына зәнҗәбил салып җибәрү дә файдага булачак.

4. Кечкенә савыт-саба куллан

Савыт-саба зуррак булса, бар игътибар синең тамагың туюда түгел, ә тәлинкәдә ашау бетү-бетмәүдә булачак, димәк, тәлинкә кечкенәрәк булса, кабул ителәчәк калорияләр дә азрак булачак, дигән мөмкинлек зуррак.

5. Ашаячак ризыкны күз алдына китер

Яраткан ризыкны ашауны күз алдына китергәндә, син күпмедер туенасың да, чөнки баш мие инде ашадым, дип уйлаячак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    817
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    582
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    478
    0
    0

Блоглар