КЫШКЫ ПОДКАСТЛАР ИСЕМЛЕГЕ

Әле ноябрь ахыры да җитмәгән, ә урамда инде чын кыш. Суык һәм карлы көннәр булуга карамастан, саф һава сулап йөрү комачауламас. Ә аны бераз ямьләндереп җибәрер өчен, сиңа кышкы подкастлар – суык һава торышында да җылыта алырдай һәм кызыклы темаларга бай сөйләшүләр әзерләдек.     

ДИМӘК

Әлеге татарча подкастта төрле һөнәр ияләрен чакырып, актуаль, кызыклы, хәтта син сорарга кыенсынып йөргән сорауларны бирәләр.Әлегә  чыгарылышлар бары тик видео рәвешендә генә бар.

БУДНИ СУРКА

Автор үзенең яшүсмерләргә хас тормышы белән бүлешә. Нәрсәгә өйрәнүе, мораль яктан ничек үсүе, комфорт зонасыннан чыгуы турында шушында сөйли.

ДОЖИТЬ ДО 18+

Өч студент подкастын тәкъдим итәбез. Студентлар биредә үзләрен борчыган сораулар турында фикер алыша. Мәктәп елларындагы дуслар кая булды? Университетта яхшы укырга нәрсә комачаулый? Ничек яшәргә? Әгәр шушындыйрак зарларың булса, подкастны тыңларга уз!

ЭКСПЕКТО ПАТРОНУМ

Подкастның беренче өч сезонында авторлар катлаулы сорауларга балалар һәм яшүсмерләр китапларыннан җаваплар эзли һәм охшаш хәлдә калган китап геройлары белән үзләрен чагыштыра. Ә дүртенче бүлектә сүз яраткан язучылар турында бара.

УРУБАМБА

Дөньяның төрле илләре турындагы подкаст. Автор мәктәп укучылары белән бергә чит ил кешеләреннән аларның тормыш рәвеше, стереотиплар турында сораша. Кыскасы, башка халыклар белән танышу, аларның менталитетына бераз гына булса да якын килү өчен – шәп мөмкинлек.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
БАЛТАЧ РАЙОНЫ БӨРБАШ УРТА МӘКТӘБЕ УКУЧЫЛАРЫННАН ӘКИЯТЛӘР
1929
0
0
Иҗат
ТЕЛЕФОН ИЯСЕ
5611
0
2
Иҗат
ДУСЛЫК
4688
0
1