АЛДАГЫ ЕЛЛАРДА БДИ 1 ИЮНЬНӘН ИРТӘРӘК БАШЛАНМАЯЧАК

Россиядә Бердәм дәүләт имтиханнары алдагы елларда 1 июньнән дә иртәрәк башланмаячак. Бу хакта ТАСС агентлыгына биргән әңгәмәсендә Рособрнадзор җитәкчесе Анзор Музаев хәбәр итте.

Аның сүзләренчә, әлеге карар Россия Президенты күрсәтмәсе белән ныгытылган һәм даими рәвештә гамәлдә булачак.

«Бу хакта Президентның вакыт белән чикләнмәгән күрсәтмәсе бар. Хәзер һәм алдагы елларда имтихан кампаниясен 1 июньнән иртәрәк башлый алмаячакбыз», — диде Музаев.