IKEA ӨЧЕН ПРОДУКЦИЯНЕ АВЫЛ ЯШЬЛӘРЕ ТЕГӘЧӘК!

6 февральдә Казанда Авыл яшьләренең халыкара конгрессы (бу турыда язма) башланып китте. Өч көн дәвамында дөньяның 25 иленнән булган, авылда яшәүче яшь лидерлар авыл тормышын үстерү мөмкинлекләре турында фикер алышачак.

Әлеге чара Россиянең 50 төбәгеннән, 25 илдән катнашучыларны җыйган. Алар арасында Германия, Мисыр, Конго, Һиндстан, Испания, Литва, Марокко, Мексика, Нигерия, Пакыстан, Польша, Португалия, Төньяк Македония, Төньяк Ирландия, Сербия, Сенегал, Словения, Төркия һәм Эстония бар.

Татарстан Дәүләт Советы рәисе урынбасары Татьяна Ларионова әйтүенчә, яшьләрдән инициативалар күп килә, әмма алар тагын да күбрәк булырга мөмкин, аларга зуррак теләктәшлек тә күрсәтелә алыр иде.

Бу уңайдан, Яшьләр эшләре буенча федераль агентлык яшьләргә булышлык күрсәтү өчен төрле мөмкинлекләр булдыра. “Без һәркемне грант конкурсларында катнашырга чакырабыз. Алар шушы көннәрдә башланып китәчәк. Тәҗрибә белән уртаклашу өчен форум мәйданчыклары да бар, аларда күнекмәләр дә алып, киләчәктә файдалы булырга мөмкин булган элемтәләр дә булдырырга мөмкин”, – ди Яшьләр эшләре буенча федераль агентлык җитәкчесенең киңәшчесе Сергей  Степанов.

Әлеге конгресс авыл территорияләрендә яшәүче уңышлы тәҗрибә белән бүлешү мәйданчыгы да булып тора. Шуларның иң ачык мисалы – яшь эшмәкәр Гүзәл Сәнҗапова тәҗрибәсе. Ул башта үз авылында җитештерү ачып җибәргән. Аннары анда иҗтимагый үзәк төзи башлаган. Нәкъ менә шушы оешма Свердлау өлкәсенең кечкенә генә Кече Түреш авылына яңа сулыш өрергә тиеш.

Гүзәл Сәнҗәпова конгресс катнашучыларына үз проектын тормышка ашырырга нәрсә булышканлыгы турында сөйләде.  Аның ширкәте табигый чәчәк балын үстерү белән шөгыльләнә. Ул махсус җайланмалар ярдәмендә күпертелә, авыл әбиләре җыйган җиләкләр белән кушыла. Гүзәлнең үзенең кечкенә башлангычы авылын үстерүдә зур адым булган. Бал җитештерү белән бергә иҗтимагый үзәкне төзи башлый ул. Әле шушы көннәрдә генә Гүзәл Сәнҗәпова белән IKEA ширкәте уртак проект башлап җибәрә. Хәзер авылларда яшәүчеләр IKEA кибетләре өчен продукция тегәчәк.

Авыл яшьләренең халыкара конгрессы Татарстанның Аграр яшьләр берләшмәсе Президент грантлары фонды, Росмолодежь, Татарстан Хөкүмәте ярдәме белән уздырыла. Ул “Авылларда яшьләр эшмәкәрлеге”, “Мәдәният, үзенчәлекне саклап калу һәм туризм”, “Белем бирү һәм лидерлык”. Шушы конгресс дәвамында аның катнашучылары авыл яшьләренә хөкүмәт тарафыннан ярдәм итү, авыл территорияләрен үстерү проектлары һәм технологияләре белән танышачак. Шушы чара дәвамында яшьләр белән алмашу программасын да булдырырга җыеналар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2659
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    823
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    705
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019