ФАЙДАЛЫ TIKTOK: МӘКТӘП ПРОГРАММАСЫН ӨЙРӘТҮЧЕ 8 КАНАЛ

TikTok платформасына кискен тикәре карашта булучыларның, мөгаен, аны яхшылап өйрәнгәннәре дә юктыр. Ә TikTok’та файдалы контент та җитәрлек, эзли белергә генә кирәк. Мәктәп программасын ансат кына аңларга ярдәм итә торган 10 канал тәкъдим итәбез!

Математика: @Maths_with_july

Юлия фикеренчә, математика җиңел, күңелле квест сыман булырга тиеш. Үзенең видеоларында ул БДИ күнегүләрен чишәргә өйрәтә, баш мие өчен файдалы күнегүләр белән бүлешә. Һәм, безнеңчә, мондый форматтагы видеолар ярдәмендә катлаулы формулаларны истә калдыру күпкә җиңелрәк.

Рус теле: @top-ege

Әйе, TikTok’та игътибар үзәгендә булыр өчен, трендларны, популяр музыканы исәптә тотарга кирәк. Татьяна – рус теле буенча репетитор һәм ул бер үк вакытта тренларны да кабатлый, кагыйдәләрне дә аңлата.

Тарих: @savvushkinsss

Әгәр син идарәгә кайсы патшадан соң кайсы килүен, Петр I реформаларының Екатерина II реформаларыннан нәрсә белән аерылуын истә калдыра алмый интегәсең икән, бу каналга күз сал, монда артык берни дә юк – юмор һәм фактлар гына.

Химия: @chemproege

Әлеге канал авторы гади телдә һәм аңлаешлы мисаллар белән валентлык, карбон селтеләре  турында сөйләп кенә калмый, ә тәҗрибәләр ярдәмендә аңлата да.

Физика: @1physic

Канал авторы – физика укытучысы. Ул физика турында сөйләп кенә калмый, ә тәҗрибәләр дә ясый. Шулай ук, ул БДИда сиңа очрарга мөмкин катлаулы моментлар белән дә таныштыра.

Әдәбият: @julia_novella

Бу каналда син рус әдәбияты әсәрләренең кыскача эчтәлекләре белән таныша аласың.

Биология: @biolog_na_sto

Организмга А витамины җитмәсә ни була? Ни өчен яралы урынны актарырга ярамый? Кызыклы фактлар һәм мифлар турында бу каналда таныша аласың.

Инглиз теле: @i.am.polly.byeee

Әлеге каналның авторы АКШта югары мәктәпне тәмамлаган. Ул кыска-кыска видеолар ярдәмендә инглиз теле грамматикасы кагыйдәләрен һәм дөрес әйтү (произношение) турында сөйли.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    566
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    225
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    212
    0
    0

Блоглар