ДЕПРЕССИЯДӘ БУЛГАН КЕШЕГӘ ТОП-5 НАЧАР КИҢӘШ

Әгәр сезнең якыннарыгыз, дусларыгыз арасыннан кем дә булса сезгә үзенең психик халәтенә зарлана, үзендә депрессия булуын әйтә икән, иң яхшысы – әлеге кешене бүлдермәскә, тыңларга һәм, кирәк булса, яхшы табиб киңәш итәргә. Әмма еш кына, ярдәм итәргә теләп, без, киресенчә, барысын да бозабыз.

Мондый сүзләрне, әйтүдән бигрәк, әйтми калу хәерлерәк:

1. «Эшсезлектән тилмергәнгә шулай ул»

Мондый сүзләрне, баш-аягы белән эшкә чумганнарның борчылырга вакытлары юк, дип уйлаучылар әйтергә ярата. Әлбәттә, бу сүзләрдә дөреслек юк түгел. Әмма депрессия – авыру һәм депрессия чорында, онытылыр өчен, үз-үзеңне күп эш белән күмү, киресенчә, зыянга гына булырга мөмкин.

2. «Имиджыңны үзгәрт, маникюр ясат»

Депрессия кичергән кешеләр яхшы белә: мондый вакытта бизәнү түгел, иртән битне дә юасы килми. Һәрбер эш, хәрәкәт авырлык белән эшләнелә. Юыну бүлмәсенә барып җитеп, душ керү – үзе үк җиңү. Тышкы кыяфәткә бәйле артык манипуляцияләрдән бернинди файда булмаячак, чөнки проблема – эчтә.

3. «Әнә фәләннең тормышы тагын да авыррак, ул зарланмый бит!»

Мондый ситуациядә кемнедер үрнәк итеп кую – коточкыч начар идея. Бу сүзләрдән соң, депрессия белән тилмерүче кеше күңел төшенкелегенә өстәп гаеп хисе дә кичерә башларга мөмкин.

4. «Меҗмелдәмә!»

Мондый сүзләр белән сез үзегезгә карата булган хөрмәтне юкка чыгарачаксыз. Һәм, табигый, ул кеше сезгә нинди дә булса борчулары турында сөйләүдән туктаячак.

5. «Моңайма!»

Монда нинди дә булса коментарийлар артык.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    566
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    225
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    213
    0
    0

Блоглар