БДИда 2 ФӘННӘН 100 БАЛЛ ҖЫЮЧЫ КРИСТИНА: «КӨН ДӘ НӘРСӘ ДӘ БУЛСА ЭШЛӘДЕМ. ШУЛ ГЫНА»

Бердәм дәүләт имтиханыннан 100 балл җыючылар белән таныштыруны дәвам итәбез. Чистай кызы Кристина 2 (!) фәннән (рус теле һәм җәмгыять белеменнән) 100әр балл туплаган. Әлеге зур нәтиҗәгә ничек ирешүе турында үзеннән сораштык.

Исеме: Кристина Никитина

Туган көне: 2.07.2002

Туган җире: Чистай шәһәре

Тәмамлаган: Чистайның 2нче номерлы лицеен

Укырга кергән: КФУның идарә, икътисад һәм финанслар институтына

- 100 балл җыярмын дип уйлаган идеңме?

- Зур баллар җыя алуга өметләнсәм дә, 100 үк булыр дип уйламаган идем. Көтелмәгәндә шулай килеп чыкты. Рус теленнән БДИда 100 балл җыюымны белүгә, әти-әниемә хәбәр иттем. Аннан укытучыма җиткердем. Татьяна Анатольевна Семёнова бик шатланды. «Мин моны көткән идем», - диде. Ә җәмгыять белеменнән укытучым – Татьяна Евгеньевна Александрова. Икесенә дә зур рәхмәтләр җиткерәсем килә.

- Имтиханга ничек әзерләндең? Бәлки, берәр лайфхакларың бардыр?

- Нәкъ башкалар кебек үк әзерләндем. Мәктәптә, дәресләрдә өйрәндек. Өйдә үзлектән дә әзерләндем, вариантлар чиштем. Шулай ук җәмгыять белеменнән Интернет аша махсус курслар уздым. Имтиханны уңышлы тапшыру өчен көн дә нәрсә дә булса эшләргә, бер урында тик тормаска кирәк, дип саныйм.

- Дистанцион уку вакытында әзерлек ничек барды? Авыр булмадымы?

- Юк, киресенчә, имтиханга әзерләнү өчен яхшы мөмкинлек булды ул. Имтиханга әзерләнергә күбрәк вакыт калды. Аны дөрес итеп бүлә белергә, файдалы итеп уздырырга гына кирәк иде. Мәсәлән, мин иртән торып та әзерләнә идем, кичен дә. Ял итеп, саф һава сулап керергә дә вакыт табарга тырыштым.

- 100 балл туплаган өчен акчалата премия дә алгансың икән?

- Алабугада БДИда 2 фәннән 100 әр балл җыючылар белән президент Рөстәм Миңнеханов очрашты. Анда мин дә бар идем. Очрашудан соң безгә картага 25 мең сум акча күчте.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    839
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    796
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    551
    0
    0

Блоглар