УКУЧЫЛАР ӨЧЕН НЕЙРОЧЕЛТӘР БЕЛӘН ЭШЛӘҮ БУЕНЧА КУРСЛАР ОЕШТЫРЫЛА

Компетенцияләр мәктәбе (АНО «Школа компетенций») нейрочелтәр белән эшләү серләренә өйрәнү курсларына чакыра. «Использование нейросетей: от теории к практике» дип аталган курста нейрочелтәр кулланып, син түбәндәге күнекмәләрне үзләштерәчәксең: 

- тиз арада сыйфатлы текстлар - белдерү, сценарий, котлау текстлары, төрле уеннарга сораулар яки уеннарның үзләрен һәм башка күп төрле кирәкле мәгълүмат язарга өйрәнәчәксең; 

- тиз арада төрле кызыклы уникаль рәсемнәр ясарга өйрәнәчәксең; 

- сыйфатлы презентация ясау серләренә төшенәчәксең. 

Һәр очракта да ясалма интеллектка бирем биреп, шунда ук диярлек әзер продуктны кабул итәргә мөмкин. 

Зур плюс – укулар онлайн уза. Укуның беренче яртысында лекция конспектларын укып, видеороликлар карыйсы була. Ә аннан исә практик өлеш – һәр биремне укытучы белән бергә башкарып, үзеңне борчыган сорауларга җаваплар алачаксың. 

Шулай ук уку барышында Телеграмда гомуми чат эшләячәк. Анда барлык булган сорауларыңа куратор һәм укытучылар җавап бирәчәк.