ТАТАРСТАН ӘЙДӘМАННАРЫ – ТОП-100дә

Татарстанда Студент хезмәт отрядлары үзләрен актив күрсәтә. Педагогик отрядлар (бу турыда язма) да – аларның аерылгысыз бер өлеше. Биредә әйдаманнарны тәрбияләп кенә калмыйлар, ә башка төбәкләр арасында көндәшлеккә сәләтле итеп тә үстерәләр. Республикабызның ике гүзәле Россиянең иң яхшы әйдаманнар исемлегенә кергән.

Шушы көннәрдә Мәскәүдә “Әйдаманнар лигасы” әйдаманлык осталыгының Бөтенроссия конкурсы уздырылган. Ул “Россия – мөмкинлекләр иле” президент платормасы проекты. Бәйге “Мәгариф” милли проекты дәвамында уздырыла.

“Әйдаманнар лигасы”на Россиянең 54 төбәгеннән 300 финалист җыелган. Катаншучылар “әйдаман-стажер”, “әйдаман” һәм “өлкән әйдаман” номинацияләрендә көч сынашкан. Составында 15 кеше булган 20 команда формалашкан. Кызлар һәм егетләр команда һәм шәхси форматтагы ярышларда көч сынашкан. Иң мөһим таләп булып балаларның белем алу ихтыяҗын канәгатьләндерүгә юнәлтелгән проект эшчәнлегендә үз компетенцияләреңне күрсәтү булган.

Бәйге финалында катнашучыларга остазлар – 2018 ел җиңүчеләре – булышкан. Алар үз тәҗрибәсе белән бүлешкән, яшьләрдә позитив кәеф булдырган. Хәер, остазлар үзләре дә бу чарадан күп яңалык белгән, яңа дуслар тапкан.

Татарстанның студент отрядларын республикабыз педагогик отрядлары җитәкчесе Маргарита Цепелева, «Импульс» педагогик отряды командиры Алинә Ухаткина, КФУның Алабуга институты студент отрядлары штабының экс-командиры Ләйсән Ибениева (бу турыда язма) һәм “Регион 116” студент педагогик отряды командиры Антонина Гусева тәкъдим иткән.

“Әйдаманнар лигасы”нда 100 җиңүче ачыкланган. Алар арасында Татарстан кызлары – “Әйдаман” номинациясендә катнашучы Алинә Ухаткина һәм Ләйсән Ибениева да бар. Аларга кыйммәтле бүләкләр, мактау грамоталары, сертификат һәм истәлекле бүләкләр тапшырганнар. Шулай ук кызлар белем бирү үзәкләрендә стажировка узу, белем бирү интенсивлары, “Әйдаманнар лигасы”, Россия мәктәп укучылары хәрәкәте форум, вакыйгаларында катнашу мөмкинлегенә ия булган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    994
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    828
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    792
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019