Логотип Идель
Белми калма

ТАТАРСТАН СТУДЕНТЛАРЫ – «ЕЛ СТУДЕНТЫ – 2021» ПРЕМИЯСЕ ЛАУРЕАТЛАРЫ!

Мәскәүдә югары уку йортлары студентлары арасында «Ел студенты – 2021» Россия милли премиясенә йомгак ясалды. Бәйгедә Татарстан финалистлары 7 бүләк алды. Абсолют җиңүче һәм Гран-при иясе КФУ студенты Денис Давыдов булды.

«Ел студенты» Россия милли премиясе укуда, спортта, фәнни, иҗади һәм иҗтимагый тормышта казанышларга ирешкән студентлар өчен уникаль бәйге һәм белем бирү проекты булып санала. Бу премиядә 75 регионнан 8 меңнән артык студент катнашты, ә Россиянең 71 субъектыннан 600 кеше финалист та булды.

Берничә көн дәвамында студентлар шәхси һәм коллектив биремнәрдә катнаштылар: үзпрезентация, махсус тест, кейслар, ачык дәресләр,  дебатлар,  социаль проектлау һәм рольле уеннар. Җиңүчеләр 20 декабрьдә ВКонтакте социаль челтәренең «Ел студенты» төркемендә турыдан-туры трансляцияда игълан ителде. Шулай итеп, абсолют җиңүче һәм Гран-при иясе Казан федераль университетының Халыкара мөнәсәбәтләр институты студенты Денис Давыдов булды.

Премиянең шәхси һәм коллектив номинацияләрендә дә җиңүчеләр билгеләнде. «Ел җәмәгатьчесе» номинациясендә Казан федераль университетыннан Алия Кыямова лауреат исемен яулады. «Ел укучылары советы рәисе» номинациясендә җиңүне Россия дәүләт гадел хөкем университетының Казан филиалы студенты Никита Лобанов яулады. «Елның иҗади шәхесе» титулын Казан милли тикшеренү технология университеты студенты Камилла Прахова алды.

Шулай ук КФУның «КФУ – игелекле кешеләр планетасы» иреклеләр үзәге «Елның иреклеләр берләшмәсе», КФУның юридик үзәге «Елның юридик берләшмәсе» номинацияләрендә лауреат булдылар. «Елның патриотик берләшмәсе» номинациясендә «Легион» хәрби-патриотик оешмасы лауреат исемен алды.

Следите за самым важным и интересным в Telegram-каналеТатмедиа

Нет комментариев