ОКСФОРД УНИВЕРСИТЕТЫНДА АЛКЫШЛАРНЫ ТЫЙГАННАР

Ышанасызмы-юкмы, тик дөньядага иң танылган университетларның берсендә ... алкышларны тыйганнар. Аларның кемгә зыяны тигән?

Бу хәл Оксфорд университетында булган. Университетның студентлар союзы үзләрендә булган чараларда алкышларны тыю турында карар чыгарган. Тәкъдимне студентлар ясаган. Ник дигәндә, нерв системасы какшаган кешеләр артык тавышлы чараларга йөрми икән.

Алкышларны нәрсә белән алыштырырга уйлыйлар?

Традицион алкышлар урынына махсус жест та уйлап тапканнар. Дөресрәге, британнарның жестлар телендәге “джазлы куллар” жестын алганнар. Алкышлар урынга хәзер кулларны өскә таба күтәрергә, уч төпләрен алга карартырга һәм кулны уңга-сулга әйләндерергә кирәк була. Бигрәк шәп име? Хәзер ул университет студентларының уч төпләре дә авыртмаячак, нерв системаларына да зыян килмәячәк! ;)

Тәнкыйтьләүчеләр дә табылган...

Оксфорд алкышлардан беренче булып баш тартмый. Моңа кадәр 2018 елда Манчестер университетында алкышларны тыйганнар иде инде.

Студентларның бу тәкъдимен Британия таблоидлары һәм консерватив ММЧ(СМИ) лары тәнкыйтьләп тә чыккан. Мәсәлән, The Sun һәм Daily Mail студентларны «snowflakes» дип атаган. Ул “артык нечкә күңелле”, “артык сизгер” кешеләр дигәнне аңлата.

*Оксфорд университеты (University of Oxford) – Англиядәге Оксфорд шәһәрендә урнашкан унверситет. Ул дөньядага иң борынгы югары уку йортларыннан санала. Аңа нигезнең ничәнче елда салынганы төгәл билгеле булмаса да, 1096 елда анда инде белем алганнар, дигән фикер бар. Университетта уку түләүле.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1585
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    536
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    493
    0
    0

Блоглар