МӘКТӘП, БАЛА ҺӘМ АТА-АНА: ИҖТИМАГЫЙ ПАЛАТАДА МӘГАРИФ МӘСЬӘЛӘЛӘРЕ БУЕНЧА КОНФЕРЕНЦИЯ

16 июль көнне Татарстан Республикасы Иҗтимагый палатасында "Ата-аналар hәм мәктәп: фикер алышудан – мәнфәгатьләр килешүенә hәм уртак гамәлләргә" дигән темага конференция узды. Дискуссия барышында республика мәктәпләре өчен генә түгел, ә, гомумән, Россия мәгарифе өчен дә актуаль мәсьәләләр күтәрелде.

Конференциядә ата-аналар hәм мәктәпнең балаларны тәрбияләүдә үзара хезмәттәшлек итү практикалары белән танышу булды. Татарстан Республикасы Мәгариф hәм Фән министры урынбасары Алсу Әсәдуллина республика ата-аналар советы эшчәнлегенә уңай бәя бирде. "Бала өчен Ватан — ул гаилә. Гаиләдәге хөрмәт укытучыларга да күчә. Педагогларны, ата-аналарны hәм балаларны берләштереп, без чын гражданнар тәрбияли алабыз", — диде ул.

Конференция барышында укытучы, бала, ата-ана — шушы бердәм "өчпочмак" булганда гына, тәрбия өлкәсендә көтелгән уңышларга ирешү мөмкинлеге ассызыкланды. Моның шулай икәнлеген пандемия, дистант күрсәтте.

Шулай ук, белем бирү оешмаларында, җәйге лагерьларда ата-аналар тарафыннан кайнар туклану, юл-транспорт имгәнүләрен профилактикалау буенча контроль оештырылу турында әйтелде.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
МОҢЛЫ ЧИШМӘ КАЙТАВАЗЫ
253
0
0
Иҗат
ҮГИ КЫЗ ӘКИЯТЕ
312
0
0
Иҗат
ӘНИ СҮЗЕНЕҢ КАДЕРЕ
410
0
0