МИЛЛИ КИТАПХАНӘ «ЙОРТ» КОМИКСЛАР ҖЫЕНТЫГЫН ТӘКЪДИМ ИТҮГӘ ЧАКЫРА

ТР Милли китапханәсе дөньядагы беренче төрки телле халыкларга багышланган «Йорт» дип аталган комикслар җыентыгын бастырды. Җыентыкның презентациясе 8 февральдә 18:30 сәгатьтә Татарстан Республикасы Милли китапханәсенең конференц-залында узачак.

Презентациядә комикс рәссамнары катнашындагы проект турында мини-фильм күрсәтеләчәк, кураторлар һәм авторлар белән таныштырылачак. Шулай ук бу көнне җыентыкка кергән эшләрдән торган күргәзмә ачылачак. Чарага керү өчен теркәлергә кирәк.

«Йорт» проектының оpen-callында Казан, Мәскәү, Санкт-Петербург, Төмән, Чебоксар, Полярный, Ижевск, Уфа, Мытищи, Нальчик, Әстерхан, Якутск, Алтай Республикасы һәм хәтта Мисырдан 70тән артык рәссам-комиксистның иҗади эше тупланган.