«КӨМЕШ КЫҢГЫРАУ» ВИДЕОБӘЙГЕ ИГЪЛАН ИТӘ

«Көмеш кыңгырау» газетасы 7-17 яшьлек укучылар өчен бәйге үткәрә. Бәйгедә катнашу өчен бүгенге көндә онытыла барган берәр һөнәрне башкарып видео төшерергә кирәк. Мәсәлән, ул йон эрләү, май язу була ала. Видеоларны komesh_k@list.ru почтасына «Бәйгегә» дип җибәрү кирәк. Үткәрү срогы – 10 сентябрьдән 10 декабрьгә кадәр.
Катнашучының сайлап алынган һөнәр белән сөйләп таныштыруы, аны ничек эшләргә икәнен аңлатуы хуплана. Видеоларга таләпләр: озынлыгы 3 минуттан артмау, сыйфаты яхшы, сөйләүченең тавышы аңлаешлы булу шарт.
Бәйгедә һәр катнашучыга электрон сертификат, 1- 3 урын алган җиңүчеләргә дипломнар һәм бүләкләр бирелә.
Бәйгегә килгән видеолар «Көмеш кыңгырау»ның Вконтактедагы төркемендә урнаштырылып барачак.