«ХӘРӘКӘТТӘ – БӘРӘКӘТ»: ӘЙДӘ, БРЕЙК-ДАНС БИЕРГӘ!

2 августта 19.00дә «УРАМ» экстрим-паркында татар телендә брейк-данс буенча остаханә узачак. Чара Казан Мэриясе тарафыннан шәһәрнең парк һәм скверларында уза торган «Хәрәкәттә – бәрәкәт» проекты кысаларында оештырыла.

Брейк-данс буенча татар телендәге дәресне «EXCLUSIVE COLLECTION»  брейкинг профессиональ мәктәбе тренеры, брейкинг буенча халыкара һәм Россия чемпионатлары катнашучысы, «Action Man» командасы әгъзасы Рушан Илдарханов һәм бөтенроссия һәм халыкара фестивальләр җиңүчесе Руслан Шәйхетдинов (Bboy Liquid) үткәрәчәк.

Искәртеп узыйк, «Хәрәкәттә – бәрәкәт» парклардагы җәйге иҗат һәм спорт дәресләре 2021 нче елда, Туган телләр һәм халыклар бердәмлеге елында, башланып китте. Узган ел 14 остаханә үтте. Быел проект дәвамында «Ярмәк вагы» татар биюе нигезләре, чечетка, аэробика, татар халык биюе буенча дәресләр узды. «Хәрәкәттә – бәрәкәт» чаралары Казан Мэриясе тарафыннан Парклар һәм скверлар дирекциясе белән берлектә сентябрьгә кадәр уздырылачак. Җәй айларын күңелле итеп үткәрик. Күрешкәнгә кадәр!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
ТЕЛЕФОН ИЯСЕ
1500
0
0
Иҗат
ДУСЛЫК
1277
0
0
Иҗат
БАТЫРЛАР ТУДЫРГАН АНА
3607
0
0