КАЗАНДА «КОНСТРУКТИВ» ФОРУМЫ УЗАЧАК

23 сентябрьдән алып 25 сентябрьгә кадәр Казанның IT-паркында мәгълүмати һәм психологик куркынычсызлыкка багышланган «Конструктив» форумы узачак. Форумның төп максаты яшьләргә терроризм һәм экстремизм идеологиясенә каршы белемнәр бирү.

Биредә катнашучылар өчен әлеге темага багышланган төрле лекторийлар, әңгәмәләр, очрашулар, нетворкинг сессияләр, остаханәләр, кейс-турнирлар һәм эшлекле уеннар узачак. Быел катнашырга теләк белдереп, Татарстанның 45 районыннан, Россиянең 20 төбәгеннән барлыгы 1800 гариза килгән. Форумда онлайн һәм офлайн форматта да катнашып булачак.

Эш 5 программа барачак:

– 18 яшьтән һәм өлкәнрәк булган барлык теләүчеләр өчен,

– югары уку йортлары вәкилләре өчен,

– яшьләр эшләре юнәлешендә эшләүчеләр өчен,

– яшүсмерләр өчен,

– ата-аналар һәм яшүсмерләр өчен.

«Конструктив» – кызыклы спикерларны тыңлап, фикердәшләрне табарга, проектларны гамәлгә ашыру тәҗрибәсе белән уртаклашырга, проблемалар турында сөйләшергә һәм форумның белгечләре белән берлектә аларны чишү юлларын табарга мөмкинлекләр биргән форум.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: