КАЗАНДА БӨТЕНДӨНЬЯ ЯШЬЛӘР ФЕСТИВАЛЕНЕҢ ТӨБӘК ҮЗӘГЕ ЭШЛИ БАШЛАДЫ

Казанда Бөтендөнья яшьләр фестиваленең төбәк үзәге эшли башлады. Фестиваль Татарстан делегатларын сайлап алып, аларны укыту мәйданчыгы һәм волонтерларны әзерләү үзәге булачак. Ә иң кызыгы – мондый үзәк бары тик Татарстанда бар, башка төбәкләрдә сайлап алу онлайн форматта гына үткәрелә.

Быелгы фестиваль үзенчәлекләре:

1. Бөтендөнья яшьләр фестивалендә Россиядән, шулай ук якын һәм ерак чит илләрдән 20 меңнән артык яшь активист катнашачак.

2. Фестивальдә беренче тапкыр 14 яшьтән 17 яшькә кадәрге яшүсмерләр катнаша алачак.

3. Гаризалар төбәк экспертлары тарафыннан каралачак. Катнашучыларның портфолиосы, фестиваль дирекциясе тәкъдим иткән темага эсселар һәм видео-визиткалар дистанцион рәвештә бәяләнәчәк.