ҺАВА ШАРЛАРЫ ФЕСТИВАЛЕ: КАЙДА? КАЙЧАН? КЕМНӘР КАТНАША?

3-5 июнь көннәрендә Яшел Үзән һәм Югары Ослан районнарында Халыкара һава шарлары фестивале узачак. Теләге булган һәркем Идел, Зөя һәм Иннополис аша очып, онытылмаслык хисләр алырга мөмкин.

Бу чарага Мәскәү, Дмитров, Йошкар-Ола, Уфа, Түбән Новгород һәм Әрмәнстанның иң яхшы аэронавтлары җыелачак. Фестивальдә барысы 10 һава шары катнашачак.