1-8 СЫЙНЫФЛАР ӨЧЕН УКУ ЕЛЫ ИРТӘРӘК ТӘМАМЛАНАЧАК

Россиянең Мәгариф министрлыгы төбәкләргә 1-8 сыйныф укучылары өчен уку елын иртәрәк тәмамларга рөхсәт бирде. Ә уку программасының бер өлеше киләсе елга күчерелергә мөмкин. Тик өлкән сыйныф укучылары – 9-11челәр өчен уку елы ничек бар, шулай калачак.

Мәгариф министрлыгының матбугат хезмәтендә болай хәбәр ителә: “Төбәкләр календарь графигын үзгәртергә яки 1-8нче сыйныф укучылары өчен өч чирек нәтиҗәләре буенча уку елын иртәрәк тәмамларга мөмкин. Шул ук вакытта биредә дистанцион форматта һәм мәктәп хәл иткән вакытта уздырылган ВПР – Бөтенроссия мөстәкыйль эшләре нәтиҗәләре исәпкә алынырга тиеш. Кирәк була калса, белем бирү программасының бер өлешен киләсе елга калдырырга мөмкин”.

Шунысы да бар: төбәкләр уку елын кыскарту карарын, эпидемиологик ситуациядән чыгып, үзләре хәл итәргә тиеш. Эпидемия кимегән төбәкләрдә мәктәпләр гадәти эш режимына кайта ала. Ләкин шулай да профилактик чаралар кабул ителергә тиеш. Моның өчен сыйныфны кечкенә төркемнәргә бүләргә кирәк булырга мөмкин.

Тик 9-11нче сыйныфлар өчен уку елы гадәттәгечә булачак. Министрлыкта исә өлкән сыйныф укучылары мәктәп программасын тулысынча үзләштерергә һәм БДИга яхшылап әзерләнергә тиеш, дип саныйлар.

Ә 9нчы сыйныф укучылары өчен математика һәм рус теленнән булган ТДИлар укучылар үзләре килеп тапшыра торган форматта узарга тиеш.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    842
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    799
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    552
    0
    0

Блоглар