ЯҢА ОЛИМПИАДА: 9-11 КЛАССЛАР ӨЧЕН

ТАТАРСТАН МӘКТӘПЛӘРЕНДӘ УКУЧЫ 9-11 КЛАСС УКУЧЫЛАРЫ ХӘЗЕР "КУЛЛАНУЧЫ ХОКУКЛАРЫН ЯКЛАУ" ОЛИМПИАДАСЫНДА ДА КАТНАША АЛА. 

---

Олимпиада биремнәрен үтәп, белемнәрен сынарга һәм арттырырга теләүче һәркем 1-7 сентябрь көннәрендә http://tatzpp.ru/ сайтында теркәлү узып, гариза карточкасын тутырырга тиеш.

I этап

13-17 сентябрь сайлап алу туры узачак. Теркәлгән катнашучылар онлайн рәвештә тест чишәчәк. Тест биремнәре 13 сентябрь көнне олимпиада сайтында урнаштырылачак.

II этап

26-30 сентябрь көннәрендә катнашучылар иҗади бирем чишәчәк - бирелгән темага эссе язарга кирәк булачак. Тема кулланучылар хокукларын яклау өлкәсеннән булыр дип көтелә.

III этап

31 октябрь - 3 ноябрь - күзгә-күз очрашулар вакыты, соңгы сынау катнашучыларны Казанда җыячак. Җиңүчеләр 14 ноябрьгә кадәр билгеле булачак.