КРАВЦОВ РФ МӘКТӘПЛӘРЕНДӘ БАШЛАНГЫЧ ХӘРБИ ӘЗЕРЛЕК АРТТЫРЫЛАЧАГЫН ХӘБӘР ИТТЕ

«Иминлек һәм Ватанны саклау нигезләре» мәктәп предметы кысаларында башлангыч хәрби әзерлек өлеше 2026 елның 1 сентябреннән уку вакытының 20 процентыннан 50 процентына кадәр арттырылачак. Бу хакта Россия мәгариф министры Сергей Кравцов хәбәр итте.

«Патриотик тәрбия һәм яшьләрне әзерләү мәсьәләләренә аерым игътибар бирелә. 6-11 нче сыйныф укучылары өчен «Иминлек һәм Ватанны саклау нигезләре» предметы кертелде, аның кысаларында уку вакытының якынча 20 проценты башлангыч хәрби әзерлеккә бүленә. 1 сентябрьдән аның өлеше 50 процентка кадәр арттырылачак. Программада, шул исәптән, пилотсыз очу аппаратларын өйрәнү, шулай ук уку җыеннары үткәрү дә каралган», – диде Кравцов. Аның сүзләре ведомствоның «Макс» каналында китерелә.

Кравцов шулай ук киләсе уку елыннан мәктәпләрдә «Россиянең рухи-әхлакый мәдәнияте» дигән яңа предмет барлыкка киләчәген билгеләп үтте. Аны гамәлгә ашыру өчен 83 герой сайлап алынган, алар арасында махсус хәрби операциядә катнашучылар да бар. Алар турында документаль фильмнар төшереләчәк.