"РОССИЯНЕҢ 100 ИҢ ЯХШЫ КИТАБЫ БИЛГЕЛЕ"

«MyBook» электрон китапханәсе һәм Милли эшләр буенча федераль агентлык «Страницы России» дип исемләнгән проект башлап җибәрәләр. Әлеге проектка Халыклар бердәмлеге көнен бәйрәм итү вакытында нигез салына. «Страницы России» проектын тормышка ашыруда «Эксмо» нәшрияте һәм А.П.Гайдар исемендәге үзәк шәһәр балалар китапханәсенең дә өлеше бик зур.  

Әлеге проектта Россия Федерациясенең этномәдәни үзенчәлекләрен чагылдыра торган 100 иң яхшы китап катнаша. Әлеге китапларның барысы да 30 октябрьдән башлап, 30 декабрьгә кадәр «MyBook» электрон китапханә сайтында булачак. Барлык теләүчеләр дә китаплар белән бушка таныша алачаклар.

Рәхим итеп укыгыз, дуслар!