НИНДИ ЯҢАЛЫКЛАР БАР, «ЕВРОВИДЕНИЕ - 2017» ?

Беренче канал «Евровидение-2017» музыкаль бәйгесендә Россияне тәкъдим итүченең исемен әлегә сер итеп саклый.

«Без әлегә "Евровидение"дә катнашучының исемен әйтергә әзер түгел. Илләр үзләрен тәкъдим итүчеләрнең исемнәрен җиткергәнгә кадәр, әле тагын ике ай вакыт бар», – диделәр РИА Новостига Беренче каналның матбугат хезмәтендә.

Алдан массакүләм мәгълүмат чараларында 32 яшьлек Александр Панайотов кандидатурасын инде Беренче каналның музыкаль тапшырулар дирекциясендә хупладылар, дип хәбәр ителгән иде.

Панайотов үзе бу хакта Россияне җыр ярышында тәкъдим итүгә шат булачагын, тик аны әлеге бәйгегә җибәрү карары турында берни белмәвен җиткергән. Искәртеп үтик, җырчы «Голос» шоуның бишенче сезонында җиңүгә 20 яшьлек җырчы Дарья Антонюкны гына уздырып, 2нче урынны яулаган иде.

//Татар-информ//