"КАЗАНДА БРИТАНИЯ КИНОСЫ КӨННӘРЕ УЗАЧАК"

2015 нче елның 11-15 нче ноябрь көннәрендә Казан шәһәренең "Мир" кинотеатрында XVI «Новое Британское кино» фестивале узачак. Фестиваль Канны кинофестивалендә гран-при алган «Лобстер» фильмы белән башланып китәчәк.

Фестиваль көннәрендә тамашачылар «Бруклин», «Леди в фургоне», «Просто Джим» һәм музыкант Эд Ширанның концерт-фильмын күрә алачак. Моннан тыш, фестивальдә кыска метражлы фильмнар да тәкъдим ителә.

Барлык фильмнар да рус субтитрлары белән булачак.