«ГИМНАСТЛАРНЫ НИ КӨТӘ?»

Хәзерге вакытта Казаныбызда нинди спорт чаралары барганлыгын беләсеңме? Юк? Димәк сиңа бу яңалыкны укырга кирәк!

2-3 март көннәрендә Гимнастика үзәге базасында "Olympico baby cup" балалар өчен беренче гимнастика фестивале уза.

Фестиваль кысаларында кызлар (нәфис гимнастика белән кызлар шөгыльләнгәнлеге синең өчен сер түгелдер дип уйлыйм) үзара ярышып кына калмыйлар, ә нәфис гимнастика буенча олимпия чемпионы Елена Шевченко, Юлия Барсуковадан мастер-класс алалар. Моңа өстәп, кызларны чып-чын фотосессия дә көтә икән.