"АВЫЛ САЕН ЯҢА КЛУБ"

Район үзәкләрендә һәм, беренче чиратта, авылларда яшәүчеләргә уңайлы яшәү шартлары, үзүсеш мөмкинлеген булдыру бик мөһим. Шуны истә тотып, 2012 нче елда авылларда мәдәният йортлары төзү программасы булдырылды. Әлеге дәүләт программасы нигезендә 50, 100, 200, 300 урынлык мәдәният йортлары һәм китапханә булдыру күз алдында тотылган иде. Бүгенге көндә барлыгы 226 мәдәният йорты төзелгән инде.

2016 нчы елда тагын 45 төзелер дип көтелә.

Мәдәният йортларының кайсы районда, авылда булуы квота һәм вакытанда чиратка басудан тора. Сез дә авылыгызда яңа мәдәният йорты төзелүен теләсәгез, авыл хуҗалыгы җитәкчесенә мөрәҗәгать итә аласыз.