"АШАРГА ЯРАТА ТОРГАН КЛЕОПАТРА"

Минем  Клеопатра исемле песием бар. Ул кызгылт-сары төстә, тәпиләре ап-ак, бик матур песи. Йоннары ялт-йолт итеп тора. Песием әле бик зур түгел, аңа бары 6 ай гына.

Мин аны җылы сөт белән дә, тәмле сөяк белән дә сыйлыйм. Үзе кечкенә булса да, ул күп ашарга ярата. Ашап бетергәч, тәпиләре белән битен юа. Мин аны һәркөн урамга алып чыгам.

Ул мине мәктәптән шатланып каршы ала, тизрәк аягыма ябышып уйнарга тотына. Мин песиемне бик яратам. Миңа аның белән бик күңелле.