«АНА»

"Әни" сүзе өч хәрефтән

Тора бит ул, карагыз.

Шушы сүзгә зур мәгънә

Салынганын аңлагыз.

Әнием диеп дәшә бит,

Бик бәхетле балалар.

Шушы сүзнең бөеклеген

Аңлыймы икән соң алар?

Әниләр бәйрәме җиткәч,

Бөтен дөнья ямьләнә.

Дөньядагы изгелекләр

Ана белән бәйләнә.

Әниемне бик яратам .

Анам – күңелем кояшы.

Бул әнием бик бәхетле!

Син гомерем юлдашы!

Динара ФӘСХЕТДИНОВА, Яр Чаллы шәһәре, 45 нче урта мәктәбенең 6В сыйныфы укучысы