«3 СӘГАТЬ ҺӘМ ГЕРМАНИЯ»

Кемдер җәйге ялларын авылда, бакчада уздыра, ә кемнәрдер чит илләргә йөри, диңгездә су коена. Син дә «Эх» дип уфтанып куйдыңмы? Чит илгә барасың килә, әти-әниең дә каршы түгел, тик нишләргә, кайсы илне сайларга, кемгә мөрәҗәгать итәргә белмисеңме?! Республикабыз җитәкчелеге безнең эшне җиңеләйтте, хәзер бөтен сораулар «ә» дигәнче хәл ителә.

17 нче июнь көнне Казаннан Франкфурт-на-Майне шәһәренә турыдан-туры рейслар ачыла. Самолетлар атнасына ике тапкыр: дүшәмбе һәм җомга көннәрендә очачак. Самолетының да ниндие бит әле: «Airbus A320»!


Баруын бардык, ничек кайтырбыз дисеңме? Безнең өчен монысын да хәл итеп куйганнар: Франкфурт-на-Майнедан Казанга турыдан-туры рейслар йөри.

Бер атна готик стильдәге биналар карап, серле тарихи урыннарда йөреп кайту өчен менә дигән мөмкинлек. Без барабыз! Ә син?

[gallery columns="2" size="full" ids="8540,8541"]