КИЛӘ ЯВА, КИЛӘ ЯВА...

Алмашынучан һава торышы, урыны белән… кояш. Июльдә безне нинди һава торышы көтә? 

КФУ метеорологлары июльдә эссе булачак, дигән сүзләрен кире алалар. Уртача температура 20 градус булыр дип көтелә. Алар фикеренчә, аерым көннәрдә генә эссе булырга мөмкин. Июльнең беренче ике атнасы, гомумән, яңгырлы булачак диелә. Ай ахырына таба кояшлы көннәр ешрак күзәтеләчәк.

Ә августта температура 17 градус тирәсе булыр, дип фаразлана.

Сүз уңаеннан, быелгыдай һава торышы соңгы тапкыр 1978 елда булган. Ә июнь ае соңгы 14 елда иң салкыны икән.

Россиянең башка өлкәләрендә хәлләр ничек соң? Норильскта, мәсьәлән, кар явып үткән, ә Әстерханда эссе икән.

Җырда табигатьтә ямьсез көннәр булмый, дип җырланамы әле? Җырлап яшик дуслар, ә кояшлы көннәр алда күп булыр әле.