БАУМАН УРАМЫНЫҢ ИСЕМЕН ҮЗГӘРТӘЛӘР?!

Татар иҗтимагый үзәге Казанның Бауман урамына соңгы татар ханбикәсе - Сөембикә исемен бирү тәкъдиме белән чыкты. 

- Казан – уникаль бай тарихлы шәһәр. Казанның төп урамында безнең җирлектә чәчәк аткан өч ханлык - Болгар ханлыгы, Алтын Урда, Казан ханлыгы да чагылырга тиеш, - диелә ачык хатта.
Казан урамнарына татар тарихы кайтарылырга тиеш. Без Бауман урамының исемен алмаштырырга тәкъдим итәбез. Бу урам соңгы татар ханбикәсе Сөембикә исемен йөртергә тиеш, - дип саный алар.

Шуңа өстәп, алар урам башына Казан ханлыгына нигез салучы Олуг-Мөхәммәтнең атка атланган һәйкәлен куярга да тәкъдим итәләр.