БӘЙРӘМЕҢ БЕЛӘН, КАМАЛ ТЕАТРЫ!

БҮГЕН КАМАЛ ТЕАТРЫ 111 СЕЗОНЫН АЧА. ҺӘМ ТЕАТР СӨЮЧЕЛӘРНЕ ТЕАТРНЫ КОЧАКЛАРГА ЧАКЫРА. ЯРАТУЫҢНЫ БЕЛДЕРҮНЕҢ ИҢ ГАДИ ЧАРАСЫ БИТ УЛ - КОЧАКЛАУ, ҖЫЛЫҢ БЕЛӘН БҮЛЕШҮ. 

Кадерлебез Камал театры!

Син безне һәрвакыт яктылыкка, нурга илтәсең! Анда-монда, читкә җибәрмисең! Адым саен уйланырга мәҗбүр итәсең: кая барабыз әле без, ялгыш юлдан китмәдекме, иман утыбыз саумы? - һәрдаим шуларны искә төшереп торасың. Көлдерәсең, елатасың, иң нечкә кылларыбызга кагыласың, үзебезне кеше итеп тоярга ярдәм итәсең. Син һәрвакыт эзләнүдә  - һәр сәхнә әсәрең - театр тарихының яңа бер баскычы булып тора.

[caption id="attachment_10273" align="aligncenter" width="300"] Энҗе ИБРАҺИМОВА-САДЫЙКОВАның сине яратып төшергән фотолары[/caption]

Бердәнберебез Камал театры!

Яңа сезоның котлы булсын! Гел шундый һәркемгә ачык, һәркемгә үзенчә ачык булып кал! Алкышларга күмелеп яшә! Залларың тулып торсын, драматургларың язып торсын. Балконнарың гына түгел, хәтта залдагы баскычларың да тамашачылар җылысын тоеп торсын - әнә шулай тулы булсын залларың! Без сине бик яратабыз, мең яшә, кочакланып яшә!