“МАНЗАРА-2019” батыры – Муса Галләмов! (ФОТОРЕПОРТАЖ)

“Манзара” батыры булып 2019 елда Муса Галләмов танылды. Барлыгы 28 көрәшче бил алышкан спорт һәм музыка бәйрәме 19 гыйнвар көнне Казанның цирк бинасында узды. Мәйданда Татарстан район батырлары һәм чит илләрдән чакырылган спортчылар көч сынашты.

Финалда Муса Галләмов белән Радик Сәләхов очрашты. Ярымфиналда Раил Нургалиевны киеренке алышта җиңүгә ирешкән Радик финалда инде Мусага җитди каршылык күрсәтә алмады. Шулай итеп, “Манзара-2019” батыры булып Мари Эл республикасында туып үскән, бүген Татарстанның Теләче районы өчен чыгыш ясаучы Муса Галләмов танылды. Аңа асылташлар белән бизәлгән билбау һәм 100000 сум күләмендә акчалата бүләк тапшырылды. Икенче урын яулаган батырга (Радик Сәләхов) – 60000 сум, өченче урында калган ике көрәшчегә (Раил Нургалиев, Айнур Сыртаев) 30000 мең сум бирелде.

Балтач районы көрәшчесе Салават Әсхәдуллинга да бәхет елмайды: тамашачылар арасында уйнатылган “Лада Гранта” машинасы аңа насыйп булды!





































































































Илназ Мөхәрләмов фотолары