АЛИНӘ ЗАҺИТОВАНЫҢ ЙӨРӘГЕ БУШ. КЕМ ӨЧЕН? 

Тимераякта фигуралы шуу буенча Олимпия чемпионы, 15 яшьлек татар кызы Алинә Заһитова йөргән егете булмавын җиткергән. Татар кызы сүзләренчә, бу хакта спорттан соң уйларга кирәк. 

“Юк, – дигән Алинә егетләр белән мөнәсәбәт турында сорагач. – Бу хакта уйлаган да юк. Беренчедән, мин кечкенә әле. Икенчедән, бу хакта спорттан соң уйларга кирәк. Хәзер дусларча гына аралашырга мөмкин һәм шуннан да артык түгел”.

Исегезгә төшерәбез, Пхенчхандагы Уеннарда Алинә Заһитова шәхси ярышларда – алтын, командалы чыгышта көмеш медаль яулады.

Уңышсызлыклар да булды – спортчы дөнья чемпионатында медальсез калды. “Өйгә кайтуга дәресләргә утырасы була. Бу сезонда мәктәпкә бармадым диярлек”, – диде Алинә әлеге уңышсызлыктан соң.