ГЛУШКО УРАМЫНДА КЕМ ЯШИ?

Бу юлы Глушко урамы турында сөйләшәбез. Чөнки Валентин Пётр улы Глушконың туган көне бүген. Ул (2.9.1908, Одесса шәһәре - 10.1.1989, Мәскәү) - конструктор, ракета двигательләрен төзү һәм ракета-космик техника гыйлеме белгече. 1929 елда Ленинград университетының физика-математика факультетын тәмамлый. 1933 гә кадәр Газодинамика лабораториясендә (Ленинград), электроракета, сыек ягулыклы ракета двигательләре (ЖРД) төзү бүлеген оештыра һәм җитәкли. 1934 елны Мәскәүдә Ракета фәнни-тикшеренү институтын оештыра. Русиядә сыек ягулыклы ракета двигательләрен төзү эшенә нигез салучы.

Фәнни эшчәнлегенә килгәндә, Глушконың төп хезмәтләре сыек ягулыклы ракета двигательләрен һәм космик аппаратларны төзү һәм үстерүнең мөһим мәсьәләләрен теоретик һәм тәҗрибә тикшерүләренә багышланган. Менә белдегезме инде Глушконың кем икәнен!

Мәгълүматлар “Ялкын” журналы архиыннан һәм Википидия сайтыннан алынды