ФРАНКФУРТ СИНЕ ЧАКЫРА!

Дуслар, Алманиянең иң матур һәм зур шәһәрләренең берсе – Франкфурт. Ул – эш һәм мәдәният мәркәзе генә түгел, ә «икенче башкала» дип тә исәпләнә әле. Биредә танылган язучы Вольфганг Гете яшәгән, нәкъ бу шәһәрдә Милли Ассамблеянең беренче утырышы оештырыла. Франкфурт искиткеч биналары, тарихы, киләчәге белән ымсындыра торган кала.

Хәзер Казан белән Франкфурт арасы тагы да якынайды. 17 июньнән Казаннан Франкфуртка туры очышлар да ачылды. Бәяләре дә ымсындыргыч. Кыскасы, ә нигә әле җәйне заяга уздырырга. Без юлга кузгалабыз, ә сез?