"ЯЛКЫН"НЫҢ ЧИРАТТАГЫ ҖИҢҮЕ

Дуслар! Шатлыклы хәбәребез бар! 

“Ялкын”ның чираттагы казанышы – интернет матбугат чаралары арасында узган конкурста җиңү!

“Татар телендәге матбугат чарасының интернет версиясе” номинациясендә ялкынлылар – иң яхшылары! Безнең сайт әлеге мактаулы исемгә лаек булды. Шунысы игътибарга лаек: һәр номинациядә дә берешәр җиңүче генә билгеләнде, димәк, ярыш бик җитди һәм катлаулы булган.

Дуслар! Без һәрвакыт сезнең өчен кызыклы һәм файдалы язмалар әзерлибез, көн саен сайтыбызга “агонь” яңалыклар куябыз. Инде күрсәткечләребез дә шактый зур: ел башы белән чагыштырсак, бүгенге көндә сайтны укучылар саны 4-5 тапкыр артты! димәк, юнәлешебез дөрес, тырышлыгыбыз юкка түгел!

“Ялкын” – киләчәкне яктырта!   Рәхмәт безнең белән булган һәркайсыгызга!