«ТАТАР СТИКЕРЛАРЫ»

Mardesign дизайн-студиясе ВКонтакте сайты кулланучылары өчен үзенчәлекле стикерлар тәкъдим итә. Үзенчәлеге нәрсәдә дисезме? Стикерларның чын татарча, милли булуында. Татар егете Искәндәр һәм татар сылуы Алия «көлү», «мәхәббәт», «кирелек» кебек хисләрне, «яхшы», «шәп» эмоцияләрен, «авыру» халәтен,  «музыка тыңлау», «йоклау»  кебек гамәлләрне күрсәтә алалар. Алия, кызларга хас булганча, елый, усаллана, кызыксыну хисен белдерә һәм селфи ясый белә.