МӘКТӘП ГАЗЕТАЛАРЫ КОНКУРСЫ: «АРТЕК»КА ЮЛЛАМА ОТЫГЫЗ!

Чуашстан республикасының «Грани» нәшрият йорты «Школа-пресс» мәктәп газеталары конкурсын игълан итә. Бәйге быел 12нче тапкыр уздырыла.

Былтыр анда Идел буе федераль округы, Россиянең башка төбәкләреннән 200 басма һәм яшь журналистлар катнашкан. Конкурс нәтиҗәләре буенча Киров, Волгоград, Пермь өлкәләре, Чуашия республикасы, Забайкалье краеның мәктәп газеталары иң яхшы, дип табылган.

Быел да җиңүчеләргә традицион бүләк – «Орленок», «Артек» үзәкләренә юллама тапшырылачак.

Конкурсның нигезләмәсе белән биредә танышырга мөмкин.