26 июньдә Россия Федерациясендә "Россия Юристлар ассоциациясе" иҗтимагый оешмасы тарафыннан игълан ителгән чираттагы Бөтенроссия халыкка бушлай юридик ярдәм күрсәтү көне үткәрелә.

Татарстанда бу көнне халыкка бушлай юридик ярдәм Россия Федерациясе Президентының Татарстан Республикасындагы кабул итү бүлмәсендә, “Бердәм Россия” партиясе рәисенең Төбәкара иҗтимагый кабул итү бүлмәсендә, Татарстан Җәмәгать палатасы кабул итү бүлмәсендә, Казан шәһәре муниципаль берәмлеге Башкарма комитетында, “Бердәм Россия” партиясенең район (шәһәр) бүлекләре кабул итү бүлмәләрендә, шулай ук Россия Юристлар ассоциациясе Татарстан төбәк бүлегенең Казан, Әлмәт һәм Бөгелмә шәһәрләрендәге халыкка бушлай юридик ярдәм күрсәтү үзәкләрендә - барлыгы 57 пунктта эш көне дәвамында (Казанда – 9.00-17.00, районнарда һәм башка шәһәрләрдә – 8.00-16.00 сәгатьләрдә) күрсәтеләчәк.