ГЕРОЙ БУЛУ БИК ҖИҢЕЛ! /видео/

Каникулларның беренче атнасы узып та бара. Син җәйге ялларны истә калырлык итеп үткәрергә телисең. Димәк, максатларга ирешә башларга кирәк.

Ничек дисеңме? Моның өчен 10 чакрымлык араны гына узарга кирәк. 10 июнь көнне Казанда «Гонка Героев. Новая высота» проекты үтәчәк. Үзеңне шунда сыный аласың.

Катнашучыларга ярыш барышында 10 чакрым араны узарга кирәк. Тик бу җиңел генә булмый: чөнки дистанция дәвамында киртәләрне ерып чыгарга кирәк булачак. Бу проект Россиянең күп кенә шәһәрләрендә уздырыла: Мәскәүдән алып Владивостокка кадәр. Казандагы трассаның да үз үзенчәлекләре бар.

[embed]https://youtu.be/9oiTmfvYOJs[/embed]

«Гонка героев» вәкилләре киртәләрне узганда, һәр төркем мускулларны эшләтергә тиеш. Шуңа да «герой»ларга тоннельләр, күзәтчеләр полосалары кебек ярышлар да оештырыла.

Ярышларда катнашу массалы спорт фомасында бара. Башта стартка 150-200 кеше чыга. Ярты сәгать узгач, тагын шуның кадәр кеше өчен ярыш башлана. Шундый тәртиптә дәвам ителә.

Экстрим алырга теләүчеләр ярышларда катнаша алса, ял итәргә теләүчеләр өчен аерым мөмкинлекләр каралган. Мисал өчен, биредә спорт һәм балалар мәйданчыклары да булачак.

Фото: "Комсомольская правда" газетасы