2 ноябрь 2022 яңалыклары

Россия Федерациясе Фән һәм югары белем министрлыгының дәүләт яшьләр сәясәте һәм тәрбия эшчәнлеге Департаменты ярдәме белән «Мин – профессионал» («Я – профессионал») Бөтенроссия Студентлар олимпиадасының алтынчы сезоны узачак. Катнашучылар үз көчләрен 73 төрле юнәлешнең бер яки берничәсендә сынап карый алачаклар.

Кичә Кариев театрында «ӘйдәБас» татар биюен үстерү остаханәсе башланып китте. Атна буена хореографлар татар биюенең төбәк үзенчәлекләре белән танышачак. 6 ноябрьгә кадәр театрда Пермь, Урал, Себер, Самара, Казан татарларының һәм керәшеннәрнең милли биюләре буенча остаханәләр узачак. Беренче көнне катнашучылар өчен Әстерхан татарларының биюе тәкъдим ителде.