15 сентябрь 2022 яңалыклары

8-11 сентябрь көннәрендә Казанның «Ак барс» көрәш сараенда каратэ буенча Россия чемпионаты узды. Анда илнең 39 төбәгеннән 320 иң көчле спортчы катнашты. Татарстан командасы ике бакыр һәм бер алтын медаль яулады.  Рөстәм Фатыйхов 84 килограммга кадәрле категориядә Россия чемпионы исеменә лаек булды.

18 сентябрьдә Казанның «Урам» экстрим-паркында баскетбол фестивале узачак. Бәйрәм программасына һәвәскәрләр турниры, баскетбол буенча челленджлар һәм УНИКС командасын тәкъдим итү кергән. Фестивальдә җырчы Feduk та чыгыш ясаячак.