7 ноябрь 2021 яңалыклары
-
ФӘЙРҮЗӘ МӨСЛИМОВА ВАФАТ
7 ноябрь иртәсендә танылган шагыйрә, журналист Фәйрүзә Мөслимова вафат булды. Ул – "Ялкын" тарихына зур өлеш керткән шәхес. Шуңа күрә бу югалту безнең өчен аеруча авыр. Журналда эшләүдән туктагач та, ул ара-тирә безнең янга кереп, хәлне белеп, җылы сүзен әйтеп китә иде. Фәйрүзә апаның авыр туфрагы җиңел булсын. Якыннарының тирән кайгысын уртаклашабыз. -
КЫЯР БЕЛӘН ПОМИДОР ТУРЫНДА ХИКӘЯТ
Борын-борын заманда, бер бакчада, янәшә генә Кыяр белән Помидор яшәгән, ди. Кояш апалары җылысын, Яңгыр абзыйлары дымын, Җил егетләре кирәк кадәр җилләрен истереп, аларга үсәр өчен барлык шартларны да тудырып торганнар. Бернигә дә мохтаҗлык күрмичә, Кыяр белән Помидор, икесе дә башта яшел яфракларын җибәргәннәр, аннары сары чәчкәләргә бөреләнгәннәр.
